Kumpulan Gurit

Telo

Pasar, warung, swalayan, lan liyane

Tak batin , tak sawang-sawang

E . . lha dalah

Bisa di gawe

Gethuk lindri

Lengko, sawut, gathot

Lan liya-liyane

Tak itung nganti 30 aran

Ya asale saka telo

Apa ora hebat. . .

Bener. . Allah iku maha pemurah

Kasur

Awan bengi tak turoni

Ora lali tak resiki

Ambane 10 kilan

Awit biyen nganti saiki

Aku ora lali

 Rasane kepenak

Kanggo wong sing nyenyak

Tumpuk undung samsoyo kepenak

Kanggo ibu lan bapak

Ora liya ya kasur sing kepenak

Munthu

Gedhene sak kepel

Kanggo gawe wong sing prigel

Yen ora ana mesthi cuthel

Bubar nganggo rasane pegel

Sanajan pegel

Nanging yen seneng ora bakal kesel

Bisa nguleg sambel lan pecel

Urip Iki

urip iki ora ana jaminan

kanggo terus bungah

ora ana kapasten

kabeh wong bisa kabuang

kanthi cara kang beda-beda

apa wong ora ngerti apa kui

kepaten

kanthi rasa lara

kang tansah ana bareng pepati

aku mung pengen lunga

kanthi rasa kang ana ing ati iki

kanthi sewiwi sing bakal nulung awak iki

Jempol

Siji. . . wong wadon aja kaya jenthik

Jenthik iku wong kang ora percaya

Barang sithik diuthik-uthik

Loro. . . dadia jenthik manis

Pulatan seneng ora mrengut

Nganggo ali-ali kethok manise

Kaping telu. . . wong wadon kayaa driji panunggul

Yen ngomong ngunggulake sisihane

Ngasorke awake dhewe

Ora tau gawe ati patuh

Kaping papat. . . wong wadon aja kaya jenthik penudhing

Senengake mbedake liyan

Senenge ngelehke

Senenge pinginan

Senenge neka-neka

Dumudhing kanggo kang maha kuasa

Kaping lima. . . wong wadon bisa angerteni

Jenthik, jenthik manis, pinunggul pinudhing

Wong kang bisa nglakoni iku

Ya wong wedok sing Jempol

Ngenes

Rikala aku SD

Diweling diwulang kanthi runtut

Ana tetandur ana pramuka ana unggah ungguh

Apa maneh basa jawa

Nanging saiki kok wis beda

Guruku ora bisa basa jawa

Tansah nganggo basa indonesia

Ana ngomah maneh

Nganggo basa Indonesia

 apa ora kleru?

apa maneh krungu-krungu

Basa daerah ora diajarake

Apa ora ngenes atiku

Ngalamun

Rupane sulistyo

Kulitane kuning langsat

Mripatmu damar kanginan

Rambutmu ngandan-andan

Bangkekmu nawon kemit

Tak sawang. . .

Tak batin. .

Oh walah. . .

Jebul sing tak sawang-sawang

Boneka Barbie

Mili

Alon jangkahku

mlangkah tumuju panggonan apa sing tak karepake

Timik. .timik. .

Alon. . alon

Lirih tanpa swara

Alon tak buka lawang mburi omah

krengkeeeetttt. .keeet keet

lawang kang wis tuwa

saka kayu jati

tak sawang saka kadohan

isih separo

rada lega weruh isih separo

tak cekel wadah beling

tak siling banyu kendhi

makgluk. . .gluk. .

banyu mili lewat krongkongan

nelesi apa-apa sing dilewati

seger. . .

iki sing jenenge nikmat

kerongkongan garing merga ngelak

teles merga ngombe

Isih

wiwit aku isih bayi

wong tuwa sing ngopeni

nganti tumekane saiki

wong tuwa isih gemati

mangkat sekolah disangoni

sandhang pangan wis mesthi

mula aku tetep ngajeni

wong tuwa sing tak tresnani